Faadumo Jaamac sanadkan waxay u sharaxantahay The Guardian International Development Achievement Award - the nominees iyadoo oo ah qofka keliya ee Soomaali ah ee u sharaxan abaal marintan.

Faadumo waxay ka soo noqotay sanadkii 1991 wadanka Maraynaka si ay gacan uga geysato dib u wax ka qabashada xaaladihii bini aadanimo ee ka jiray Soomaaliya oo markaas dhex dabaalanaysay dagaal sukeeye.

Waxay asaastay Urur samafal oo lagu magcaabo Horn relief kaas oo wax badan ka taray xaaladda Gobolka Sanaag isagoo noqday Ururka keliya ee si toos ah uga hawl gala Gobolada Sool & Sanaag oo loo yaqaano deegaanado aan nabddoonayn.

Mudo yar gudaheed waxay ku baahisay hawlaha Ururka Guud ahaa Gobolada Puntland, Gobolada Jubooyinka oo dhaca Koonfurta Soomaaliya & Wadamada Kenya & Koonfurta Suudaan.

Sanadkii 2005 waxay kaalin weyn ka ciyaartay masiibadii Bad gariirta ee ku habsatay deeganadda Puntland ee kulaala Xeebaha bad weynta India halkaas oo ay ka bilowday gargaar deg deg ah, maashaariic dib loogu dejinayo dadkii masiibadaasi samaysay & dayactirka kaabayaasha dhaqaalaha sida Wadooyinka.

Waxay ka fulisay Gobolka Sanaag Mashaariic la xiriira xaga deegaanka kuwaas oo ku mutaysatay bilado caalami ah.

Waxay hurmuud ka ahayd qorshe dib loogu dhisayey Dekeda Laasqoray.

The Guardian International Development Achievement Award - the nominees.

Hada waxay u sharaxntahay (The Guardian International Development Achievement Award - the nominees) Sidaa darteed Laasqoray Media waxay ka codsanaysaa dhamaan Umada Soomaaliyeed inay u codeeyaan Murwo. faadumo Jaamac si ay ugu guulaysato Biladaas oo ay kula loomayaan Shakhsiyaad kale.

Halkan ka Codeey Click si http://www.guardian.co.uk/achievementsaward/guardian-international-development-achievement-award-nominees  halkan uga codeey  Vote fatima Jibrell!